पहिलं पान...


परिषदेचा बावन्नावा वर्धापनदिन

मराठी विज्ञान परिषदेचा बावन्नावा वर्धापन दिन रविवार, दिनांक 29 एप्रिल, 2018 रोजी सकाळी 10.00 ते 1.30 या वेळेत साजरा होणार आहे. या कार्यक्रमाचे प्रमुख पाहुणे म्हणून पर्यावरण शास्त्रज्ञ-अभ्यासक प्रा. उल्हास राणे उपस्थित राहणार आहेत. या कार्यक्रमात परिषदेतर्फे दिल्या जाणाऱ्या विविध पुरस्कारांचे वितरण होईल. तसेच याप्रसंगी श्री. उल्हास राणे यांनी लिहिलेले, ‘कहाणी मरुभूमीची...’ आणि डॉ. ओमप्रकाश राठौर यांनी लिहिलेले ‘कथा डायनोसॉरची’ या दोन इ-पुस्तकांचे प्रकाशन करण्यात येणार आहे. त्यानंतर 'विस्मृतीत गेलेले परागसिंचक' (Forgotten Pollinators) या विषयावर प्रा. उल्हास राणे यांचे व्याख्यान होईल. परिषदेच्या वर्धापन दिनाच्या कार्यक्रमास सर्वांना हार्दिक निमंत्रण!

सुट्टीतील कार्यक्रम

परिषदेतर्फे दर वर्षीच्या एप्रिल-मे महिन्यात शालेय विद्यार्थ्यांसाठी विविध कार्यक्रम आयोजित केले जातात. या वर्षीचे कार्यक्रम दिनांक 14 एप्रिल, 2018 रोजी सुरू होणार असून, या कार्यक्रमांत बालोद्यान (14-15 एप्रिल), ओरिगामीतून भूमिती (14 एप्रिल), विज्ञान छंद वर्ग (20-21 एप्रिल) आणि गणित मित्र (5-7 मे) या कार्यक्रमांचा समावेश आहे. कार्यक्रमाचे माहितीपत्रक खाली जोडले आहे. अधिक माहितीसाठी परिषदेच्या कार्यालयात संपर्क साधावा.

माहितीपत्रक


विज्ञानगंगा व्याख्यानमालाः प्राचीन खगोलशास्त्र

यशवंतराव चव्हाण प्रतिष्ठान आणि मराठी विज्ञान परिषद, यांच्या संयुक्त विद्यमाने आयोजित केल्या जाणाऱ्या विज्ञानगंगा व्याख्यानमालेतील पुढील व्याख्यान शुक्रवार, दिनांक 20 एप्रिल 2018 रोजी होणार आहे. हे व्याख्यान टाटा मूलभूत संशोधन संस्थेतील संशोधक प्रा. मयांक वाहिया हे देणार असून, इंग्रजीतून होणाऱ्या या व्याख्यानाचा विषय हा प्राचीन खगोलशास्त्र हा आहे. हे व्याख्यान यशवंतराव चव्हाण प्रतिष्ठान (जगन्नाथ भोसले मार्ग, मंत्रालयाजवळ, मुंबई - 4000032) येथे होईल. व्याख्यानाची वेळ संध्याकाळी 5 ही आहे. व्याख्यानास प्रवेश विनामूल्य आहे.


सुवर्ण महोत्सवी व्याख्यानमालाः दूरध्वनी संयंत्रांचे बदलते स्वरूप

मराठी विज्ञान परिषदेतर्फे आयोजित केल्या जाणाऱ्या सुवर्ण महोत्सवी व्याख्यानमालेतील पुढील व्याख्यान शनिवार, दिनांक 21 एप्रिल 2018 रोजी होणार आहे. व्याख्यानाचा विषय दूरध्वनी संयंत्रांचे बदलते स्वरूप हा आहे. हे व्याख्यान महानगर टेलिफोनमधील निवृत्त अधिकारी श्री. प्रकाश लेले हे देणार आहेत. सदर व्याख्यान हे परिषदेच्या चुनाभट्टी येथील विज्ञान भवनात होणार असून व्याख्यानाची वेळ संध्याकाळी ५ ही आहे. व्याख्यानास प्रवेश विनामूल्य आहे.


विज्ञान वसंतोत्सव

परिषदेतर्फे या वर्षी विज्ञान वसंतोत्सव साजरा करण्यात येणार आहे. हा वसंतोत्सव दिनांक 22 एप्रिल 2018 रोजी उद्यान गणेश मंदिर, शिवाजी पार्क (मुंबई) येथे आणि दिनांक 26 एप्रिल 2018 रोजी ओम समर्थ भारत व्यायाम मंदिर, माहिम (मुंबई) येथे साजरा करण्यात केला जाईल. वसंतोत्सवाची वेळ सकाळी 9 ते संध्याकाळी 5 अशी असेल. मुलांसाठी आयोजित केल्या जात असलेल्या या उत्सवात, विविध वैज्ञानिक प्रयोग करणे, वैज्ञानिक खेळणी बनवणे, त्यामागील विज्ञान समजून घेणे, इत्यादी गोष्टींचा समावेश असेल. वसंतोत्सवाचे माहितीपत्रक खाली जोडले आहे. हा कार्यक्रम निःशुल्क आहे.

माहितीपत्रक


खेळणी महोत्सव

परिषदेतर्फे या वर्षी खेळणी महोत्सव भरवला जाणार आहे. हा महोत्सव दिनांक 10 मे 2018 रोजी मराठी साहित्य संघ (गिरगाव, मुंबई) येथे आयोजित केला जाईल. महोत्सवाची वेळ सकाळी 10 ते दुपारी 4 अशी असेल. मुलांसाठी आयोजित केल्या जात असलेल्या या उत्सवात, विज्ञानावर आधारलेली विविध खेळणी कशी तयार करता येतात तसेच विविध खेळण्यांमागील विज्ञान काय आहे, हे दाखवले जाईल. हा कार्यक्रम निःशुल्क आहे.


मनोरंजक विज्ञानः विविध विषय

विज्ञानातील विविध विषयांची मनोरंजक पद्धतीने ओळख करून देण्यासाठी परिषदेतर्फे ‘मनोरंजक विज्ञान’ हा कार्यक्रम आयोजित केला जातो. शनिवार, दिनांक 12 मे 2018 रोजी श्री समर्थ व्यायाम मंदिर (शिवाजी पार्क, मुंबई) येथे हा कार्यक्रम आयोजित केला जाणारा आहे. विज्ञानातील विविध विषयांची मनोरंजक पद्धतीने ओळख करून देणाऱ्या या कार्यक्रमाची वेळ  सकाळी 11 ते दुपारी 1 अशी असेल. हा कार्यक्रम निःशुल्क आहे.


मनोरंजक विज्ञानः फन विथ मॅथ्स

रविवार, दिनांक 13 मे 2018 रोजी परिषदेच्या चुनाभट्टी येथील विज्ञान भवनात गणितावर आधारलेला ‘मनोरंजक विज्ञान’ हा कार्यक्रम आयोजित केला जाणारा आहे. गणितातही अनेक  गमतीजमती आहेत. या गमतीजमतींमुळे गणित हे मनोरंजक ठरते. गणितातील अशा गमतीजमतींची ओळख करून देणाऱ्या या कार्यक्रमाची वेळ दुपारी 03.30 ते संध्याकाळी 05.00 अशी असेल. अधिक माहितीसाठी परिषदेच्या कार्यालयात संपर्क साधावा.


कार्यशाळाः इलेक्ट्रॉनिक्स

मराठी विज्ञान परिषदेतर्फे यावर्षी इलेक्ट्रॉनिक्स या विषयावर कार्यशाळा भरवली जात आहे. दिनांक 16 मे ते 22 मे 2018 या काळात होणारी ही कार्यशाळा परिषदेच्या चुनाभट्टी येथील विज्ञान भवनात घेतली जाईल. इलेक्ट्रॉनिक्सची ओळख करून देणाऱ्या या कार्यशाळेची वेळ रोज सकाळी 11 ते दुपारी 4 अशी असेल. अधिक माहितीसाठी परिषदेच्या कार्यालयात संपर्क साधावा.


तिसरी राज्यस्तरीय शिक्षक परिषद

मराठी विज्ञान परिषदेतर्फे दरवर्षी विज्ञान व गणिताच्या शिक्षकांसाठी राज्यस्तरीय परिषद आयोजित केली जाते. या वर्षीच्या, नोव्हेंबर/डिसेंबर महिन्यात होणाऱ्या राज्यस्तरीय परिषदेत भाग घेऊ इच्छिणाऱ्या शिक्षकांसाठी दिनांक 2 मे 2018, 4 मे 2018 आणि 14 जून 2018 रोजी मार्गदर्शन कार्यशाळा आयोजित करण्यात येत आहेत. या कार्यशाळांचा तपशील खालील जोडणीत दिला आहे. अधिक माहितीसाठी इच्छुकांनी परिषदेच्या कार्यालयात संपर्क साधावा.

माहितीपत्रक



वर्धापनदिनी देण्यात येणारे विविध पुरस्कार

सु.त्रिं.तासकर लघुउद्योजक पुरस्कार

  • वायुविजक आणि प्रकाशाची उपकरणे - सुधा व्हेंटिलेटिंग सिस्टम प्रा. लि. (अहमद नगर)

मनोरमाबाई आपटे विज्ञान पुरस्कार

  • जिज्ञासा ट्रस्ट (ठाणे)

कृषी पुरस्कार -

  • वसंतराव नाईक कृषी प्रतिष्ठान पुरस्कार - श्री.साहेबराव वाघ (कापडणे, धुळे)
  • बळीराजा - अण्णासाहेब शिंदे कृषी पुरस्कार - श्रीमती लक्ष्मीबाई पारवेकर (सवना, यवतमाळ)

विज्ञान संशोधन स्पर्धा (2017) -

  • परशुराम बाजी आगाशे विज्ञान संशोधन पुरस्कार - अँड्रॉइड प्रणालीद्वारे नियंत्रित करता येणारे स्वच्छता यंत्र - निनाद पायघण, अर्जुन शिंदे आणि निशान्त डोंगरे (श्री. रामदेवबाबा कॉलेज ऑफ इंजिनिअरींग, नागपूर),
    • विशेष मार्गदर्शन पुरस्कारः प्रा. गौरी मोरणकर
  • लीला परशुराम आगाशे विज्ञान संशोधन पुरस्कार - साबुदाणा आणि राखेपासून तयार केलेले, पॉलिथिनला पर्याय ठरणारे जैविक प्लास्टिक - तृप्ती जोशी आणि ओंकार पेंढारकर (गोगटे-जोगळेकर महाविद्यालय, रत्‍नागिरी)
    • विशेष मार्गदर्शन पुरस्कारः डॉ. अपर्णा कुलकर्णी
  • शरद नाईक विज्ञान संशोधन पुरस्कार - गायी-गुरांतील फॉस्फोरसचे प्रमाण शोधणारा, सहज वापरता येणारा चाचणी संच - श्वेता साबू आणि कीथ डी’सोझा (इंस्टिट्यूट ऑफ केमिकल टेक्नॉलॉजी, मुंबई)
    • विशेष मार्गदर्शन पुरस्कारः प्रा. अमित लोखंडे

 विजेत्या स्पर्धकांचे परिषदेतर्फे मनःपूर्वक अभिनंदन!