Marathi Vidnyan Parishad, Mumbai

मराठी विज्ञान परिषदेच्या चुनाभट्टी येथील ‘विज्ञान भवना’त रविवार, दिनांक 1 ऑगस्ट 2010 रोजी शहरी शेती या विषयावर ओळखवर्ग आयोजित केला आहे. ओळखवर्गाची वेळ सकाळी 10.30 ते दुपारी 01.30 अशी असेल. ओळखवर्गाची नांवनोंदणी तसेच ओळखवर्गासंबंधी इतर अधिक माहितीसाठी परिषदेच्या कार्यलयात संपर्क साधावा. ओळखवर्गास येणार्‍यांना श्री. दिलीप हेर्लेकर यांनी लिहीलेले ‘शहरी शेती कशी करावी?’ हे पुस्तक निःशुल्क देण्यात येईल.

वार्षिक सभेच्या दिवशीचे खुले कार्यक्रम

रविवार दि. 22 ऑगस्ट, 2010 रोजी होणार्‍या वार्षिक सभेच्या दिवशी सकाळी 10 ते दुपारी 1 या सकाळच्या सत्रात विविध कार्यक्रम आयोजित केले आहेत. हे कार्यक्रम सर्व विज्ञानप्रेमींसाठी खुले आहेत. हे कार्यक्रम खालील प्रमाणे आहेत.

(1) मला आवडलेले पुस्तकः श्री. अच्युत गोडबोले यांनी लिहिलेल्या पुस्तकांवर निवडक वाचकांतर्फे विचार प्रदर्शन आणि श्री. अच्युत गोडबोले यांची श्री. विनायक कर्णिक यांनी घेतलेली मुलाखत.

(2) पारितोषिक वितरणः परिषदेतर्फे वैद्यकविषयक सर्वोत्तम पुस्तकांना डॉ. रा. वि. साठे, डॉ. टी. एच. तुळपुळे आणि डॉ. चंद्रकांत वागळे यांच्या नावे दिल्या जाणार्‍या पारितोषिकांचे वितरण.

(3) सत्कारः धारावी येथे राहणार्‍या कु. शीतल शंकर डापळे हिने प्रतिकूल परिस्थितीवर मात करून एम.एस्सी., पी.एचडी. पर्यंतचे शिक्षण पूर्ण केले, तिचा परिषदेतर्फे सत्कार.

(4) पुस्तकप्रकाशनः विज्ञान प्रसार, नवी दिल्ली यांनी प्रसिद्ध केलेल्या (1) बाळाविषयी सर्व काही (अनु. डॉ. मंदाकिनी पुरंदरे), (2) प्रयोगातून सिद्धांताकडे – (लेखक प्रा. अजय महाजन) या पुस्तकांचे प्रकाशन.

***** सकाळच्या सत्रातील या कार्यक्रमांस सर्वांना हार्दिक निमंत्रण *****

विज्ञान संशोधन पुरस्कार स्पर्धा – 2010

मराठी विज्ञान परिषदेतर्फे दरवर्षी युवकांसाठी विज्ञान संशोधन पुरस्कार स्पर्धा घेण्यात येते. इ.स. 2010 सालच्या या स्पर्धेसाठी प्रकल्प स्विकारण्यास सुरूवात झाली आहे. या वर्षी ही स्पर्धा वयाने 25 वर्षांहून कमी असणार्‍या, शालांत परिक्षा उत्तिर्ण झालेल्या, परंतु पदवीधारक नसलेल्या सर्वांना खुली करण्यात आली आहे. त्यामुळे महाविद्यालयीन विद्यार्थ्यांच्या बरोबरीने महाविद्यालयांत शिक्षण घेऊ न शकलेले युवक/युवतीसुद्धा यावर्षीच्या स्पर्धेत भाग घेऊ शकतील. विज्ञान वा तंत्रज्ञानातील कोणत्याही शाखेशी संबंधित असा कोणताही संशोधनात्मक प्रकल्प या स्पर्धेसाठी पाठवता येईल. स्पर्धेचा सविस्तर तपशील खालील माहितीपत्रकात दिला आहे.

मराठी

English

‘शहरी शेती कशी करावी?’

(लेखक: दिलीप हेर्लेकर)

मराठी विज्ञान परिषदेचे व्यस्थापकीय संचालक श्री. दिलीप हेर्लेकर यांनी लिहिलेल्या या पुस्तकात शहरी शेती या तंत्राची सोप्या भाषेत ओळख करुन दिली आहे. शहरी शेतीची माहिती देताना श्री. हेर्लेकर यांनी या तंत्राचे फायदे, झाडाच्या वाढीचे घटक कसे पुरवायचे, पाणी किती घालायचे, किड्यांवर नियंत्रण कसे ठेवायचे, कोणत्या मोसमात कोणती भाजी लावायची, अशा पद्धतीने कामे केलेल्या व्यक्तींचे दाखले, इत्यादी सर्व बाबींची माहिती देताना या तंत्रातील अनेक बारकावे या पुस्तकाद्वारे उलगडून दाखवले आहेत. एकूण 56 पानांची ही पुस्तिका रु. 25/- या किंमतीत उपलब्ध आहे. (टपालाने मागवल्यास टपाल खर्च - रू. 5/- अतिरीक्त).

शिल्पकार चरित्रकोश: विज्ञान व तंत्रज्ञान आणि शिक्षण खंड

गेल्या दोनशे वर्षांत महाराष्ट्राच्या जडण-घडणीत योगदान देणार्‍या धुरीणांचा परिचय करुन देणारा प्रकल्प 'साप्ताहिक विवेक' ने महाराष्ट्र राज्याच्या सुवर्ण महोत्सवीवर्षानिमित्त हाती घेतला आहे. यातील 'विज्ञान व तंत्रज्ञान आणि शिक्षण' क्षेत्रातील नामवंतांचा परिचय करुन देणारा तिसरा खंड नुकताच प्रकाशित झाला. विज्ञान व तंत्रज्ञान क्षेत्रातील 163 मान्यवरांचा आणि शिक्षण क्षेत्रातील 292 मान्यवरांचा परिचय या खंडात करून देण्यात आला आहे. विज्ञान व तंत्रज्ञान विभागाचे संपादन डॉ. बाळ फोंडके आणि श्री. अ.पां. देशपांडे यांनी केले आहे. तर शिक्षण विभागाचे संपादक श्री. दीपक जेवणे, श्रीमती आशा बापट आणि वर्षा जोशी-आठवले हे आहेत. 740 पानांच्या ह्या खंडाची किंमत रु. 900/- असून रु. 700/- या सवलतीच्या दरात परिषदेत हा खंड उपलब्ध आहे. हा खंड पोस्टाने हवा असल्यास रु.100/- अधिक पाठवावेत.

विज्ञानपीठ – विज्ञानप्रेमींसाठी परिषदेचे व्यासपीठ

विज्ञानावरील विविध मुद्द्यांवर अर्थपूर्ण चर्चा करू इच्छिणार्‍या विज्ञानप्रेमींसाठी मराठी विज्ञान परिषदेने ‘विज्ञानपीठʼ हे व्यासपीठ उभारले आहे. हे खुले व्यासपीठ असून विज्ञानप्रेमींनी आपली मते येथे मुक्तपणे मांडावीत अशी अपेक्षा आहे. विज्ञानपीठावर जाण्यासाठी खालील बोधचित्रावर क्लिक करा. या चर्चेत आपण फक्त वाचक म्हणून नव्हे तर प्रत्यक्ष लेखक म्हणूनही सहभागी होऊ शकता. चर्चेसाठी मराठी, इंग्रजी किंवा हिंदी यापैकी कोणतीही भाषा आपण वापरू शकता.

हे व्यासपीठ पाच शिर्षकांखाली विभागले आहे. प्रत्येक विभागात त्या विभागाशी संबंधित अशा विषयांचा समावेश असेल. आपले विचार मांडण्यासाठी आपण अगोदरच सुरू असलेल्या एखाद्या चर्चेत भाग घेऊ शकता किंवा एखाद्या विभागाच्या अंतर्गत नव्या विषयांचा समावेश स्वतःहून करून चर्चेसाठी नव्या विषयालाही सुरूवात करू शकता. व्यासपीठाच्या वापरासंबंधी काही मदत वा माहिती हवी असल्यास किंवा काही सूचना करायच्या असल्यास पुढील पत्त्यावर ई-मेल करावे - forum@mavipamumbai.org

प्राचार्य डॉ. चिं. श्री. कर्वे निबंध स्पर्धा

(2010)

सौ. सुनंदा वामनराव देसाई विज्ञान रंजन कथा स्पर्धा (2010)

मराठी विज्ञान परिषदेतर्फे दर वर्षी घेतल्या जाणार्‍या प्राचार्य डॉ.चिं.श्री.कर्वे निबंध स्पर्धेची शेवटची तारीख 31 ऑगस्ट 2010 ही आहे. विद्यार्थी गटासाठी ‘आपल्या परिसरातील जैवविविधताʼ, तर खुल्या गटासाठी ‘पाणी समस्या आणि उपायʼ हा विषय निवडण्यात आला आहे.

मराठी विज्ञान परिषदेतर्फे इ.स. 1970 सालापासून दर वर्षी सौ. सुनंदा वामनराव देसाई विज्ञान रंजन कथा स्पर्धा आयोजित केली जाते. इ.स. 2010 सालच्या स्पर्धेसाठी कथा पाठवण्याची शेवटची तारीख 30 सप्टेंबर 2010 ही आहे.

या दोन्ही स्पर्धांची तपशीलवार माहिती खालील जोडपत्रात दिली आहे.

विज्ञान परिक्षा – 2010

विज्ञानाशी मैत्री वाढवण्याच्या दृष्टीने मराठी विज्ञान परिषदेतर्फे विशेष पद्धतीच्या विज्ञान परिक्षा घेतली जाते. या परिक्षेच्या प्रश्नपत्रिका घरच्या घरी सोडवायच्या असून, परिक्षेला विद्यार्थ्यांपासून प्रौढांपर्यंत कोणीही बसू शकतो. ही परिक्षा मराठी आणि इंग्रजी या दोन्ही भाषांतून घेतली जाते. या परिक्षेतील प्रश्नांना उत्तरे ही परिक्षार्थींनी घरच्या घरी स्वतः प्रयोग करून वा विविध स्रोतांमधून स्वतःच मिळवावी ही अपेक्षा आहे. या परिक्षेच्या उत्तरपत्रिका दिनांक 31 डिसेंबर 2010 पर्यंत परिषदेकडे पाठवायच्या आहेत. या परिक्षेची सविस्तर माहिती खालील जोडपत्रात दिली आहे. या परिक्षेत सर्वात्तम ठरणार्‍या विद्यार्थी परिक्षार्थींना खास पारितोषिके दिली जातात.

मराठी

English

शास्त्रज्ञांची छायाचित्रं

मराठी विज्ञान परिषदेतर्फे विख्यात शास्त्रज्ञांची चित्रे उपलब्ध करून देण्यात येत आहेत. ही छायाचित्रे कृष्णधवल स्वरूपाची असून या छायाचित्राबरोबर त्या त्या शास्त्रज्ञाच्या कामगिरीची मराठीतून थोडक्यात माहिती दिली आहे. अधिक माहितीसाठी खालील माहितीपत्रक पाहावे. शाळा/महाविद्यालये/संस्था यांना उपयुक्त ठरतील अशी ही छायाचित्रे असून छायाचित्राचा नमुना माहितीपत्रकात दिला आहे.

Site hosted by www.yourebusinessportal.com