म.वि.प. (पहिलं पान)

मराठी विज्ञान परिषदेतर्फे घेतल्या गेलेल्या इ.स. 2011-12 सालच्या विज्ञान परीक्षांचे निकाल जाहीर झाले आहेत. या वेळच्या परिक्षांसाठी मराठी माध्यमातून परिक्षा दिलेल्या विद्यार्थ्यांची संख्या 662 इतकी तर इंग्रजी माध्यमातून परिक्षा दिलेल्या विद्यार्थ्यांची संख्या ही 392 इतकी होती. स्पर्धेच्या नियमांनुसार मराठी माध्यमातून परिक्षा दिलेल्या विद्यार्थ्यांपैकी 15 विद्यार्थी तर इंग्रजी माध्यमातून परिक्षा दिलेल्या विद्यार्थ्यांपैकी 9 विद्यार्थी पारितोषिकपात्र ठरले आहे.

या सर्व पारितोषक विजेत्या विद्यार्थ्यांच्या नावांची यादी खाली जोडली आहे.

सर्व विजेत्यांचे हार्दिक अभिनंदन...!

कंकणाकृती सूर्यग्रहण – फुजियामावरून...

दिनांक 20-21 मे 2012 रोजी सूर्यग्रहण घडून येत आहे. हे ग्रहण कंकणाकृती ग्रहण असणार आहे. भारतातून हे ग्रहण दिसणार नाही. या ग्रहणाच्या कंकणाकृती स्थितीचा पट्टा हा मुख्यतः प्रशांत महासागरावरून जात असून तो पूर्व आशियापासून पश्चिम अमेरिकेपर्यंत पसरलेला असेल. हा पट्टा योगायोगाने जपानमधील सुप्रसिद्ध फुजियामा पर्वतावरून जाणार आहे. मुळात निद्रिस्त स्वरूपाचा ज्वालामुखी असलेल्या या फुजियामा पर्वतावरून दिसणारे हे कंकणाकृती सूर्यग्रहण आपल्याला त्याच वेळी खालील चौकटीत पाहता येईल. या ग्रहणाच्या खंडग्रास स्थितीची सुरूवात भारतीय वेळेनुसार दिनांक 21 मे रोजी पहाटे पावणेतीन वाजण्याच्या सुमारास होत असून कंकणाकृती स्थिती ही भारतीय वेळेनुसार पहाटे चारच्या सुमारास घडून येईल. कंकणाकृती स्थितीचा कालावधी हा सुमारे पांच मिनिटांचा असून या काळात चंद्रबिंबाने 88.3 टक्के सूर्यबिंब झाकलेले असेल. भारतीय वेळेनुसार पहाटे साडेपाच वाजता ग्रहण पुर्णपणे सुटलेले असेल.

Streaming video by Ustream

(वरील चौकटीत दिलेली UT ही जागतिक वेळ आहे. भारतीय वेळ ही जागतिक वेळेपेक्षा साडेपाच तासांनी पुढे आहे.)

परिषदेचा सेहेचाळिसावा वर्धापनदिन

मराठी विज्ञान परिषदेचा सेहेचाळिसावा वर्धापनदिन दिनांक 29 एप्रिल 2012 रोजी विज्ञान परिषदेच्या विज्ञान भवनात मोठ्या उत्साहात साजरा झाला. या कार्यक्रमाला ज्येष्ठ सागरीविज्ञान संशोधक डॉ. आदिती पंत प्रमुख पाहुण्या म्हणून उपस्थित राहिल्या. या कार्यक्रमात परिषदेतर्फे दिले जाणारे मनोरमाबाई आपटे विज्ञान पुरस्कार, वसंतराव नाईक कृषी प्रतिष्ठान पुरस्कार, परशुराम बाजी आगाशे विज्ञान संशोधन पुरस्कार, शरद नाईक विज्ञान संशोधन पुरस्कार आणि हरिभाऊ मोटे पारितोषिक वितरीत करण्यात आले. या कार्यक्रमाची काही क्षणचित्रं...


कार्यक्रमाला मोठ्या संख्येने उपस्थित असलेले विज्ञानप्रेमी	कार्यक्रमाच्या प्रमुख पाहुण्या डॉ. आदिती पंत यांचे स्वागत करताना उपाध्यक्ष डॉ. शशिकांत प्रधान	मनोरमाबाई आपटे विज्ञान पुरस्कार स्विकारताना श्री. हेमंत लागवणकर



शरद नाईक विज्ञान संशोधन पुरस्कार विजेत्या शिवांगी भोसले आणि दीप्ती वाकणकर संशोधन प्रकल्प सादर करताना	वसंतराव नाईक कृषी प्रतिष्ठान पुरस्कार विजेते श्री. ज्ञानेश्वर बोडके आपले मनोगत व्यक्त करताना	हरिभाऊ मोटे पारितोषिकाचे मानकरी विज्ञान लेखक डॉ. निवास पाटील सत्कार स्विकारताना

संकल्पना विकसन अभ्यासक्रम

मराठी विज्ञान परिषदेतर्फे पाचवी ते नववीच्या विद्यार्थ्यांकरीता संकल्पना विकसन अभ्यासक्रम (Concept Development Course) आयोजित करण्यात येतो. विज्ञानाच्या विविध शाखांतील संपकल्पना स्पष्ट करणे, विद्यार्थ्यांच्या कल्पनाशक्तीला अधिक वाव देणे, स्पर्धात्मक परिक्षांच्या दृष्टीने त्यांची मानसिक तयारी करून घेणे, अशा विविध उद्देशांनी घेतल्या जाणाऱ्या या अभ्यासक्रमात प्रात्यक्षिके, चर्चा, व्याख्याने, इत्यादींचा मुबलक वापर केला जातो. या अभ्यासक्रमाचा कालावधी खालील प्रमाणे आहे.

इयत्ता पाचवीः जून 2012 ते नोव्हेंबर 2012 (साधारणपणे दर रविवारी, एकूण 80 तास)

इयत्ता सहावीः जून 2012 ते नोव्हेंबर 2012 (साधारणपणे दर रविवारी, एकूण 120 तास)

इयत्ता सातवीः जून 2012 ते ऑगस्ट 2012 (साधारणपणे दर शनिवारी, एकूण 25 तास)

इयत्ता आठवीः जून 2012 ते ऑगस्ट 2012 (साधारणपणे दर शनिवारी, एकूण 20 तास)

इयत्ता नववीः नोव्हेंबर 2012 (दिवाळीच्या सुटीतील संपूर्ण चार दिवस, एकूण 25 तास)

(संकल्पना विकसन कार्यक्रमाचे माहितीपत्रक)

(अधिक माहितीसाठी व नोंदणीसाठी परिषदेच्या कार्यालयात संपर्क साधावा.)

वयात येणाऱ्या मुलांसाठी आणि मुलींसाठी...

(वयात येताना – मुलांसाठी)

वयात येणाऱ्या मुलांसाठी आणि मुलींसाठी मराठी विज्ञान परिषदेतर्फे ‘वयात येताना’ हे दृकश्राव्य कार्यक्रम सादर केले जातात. या कार्यक्रमात मुला-मुलींची शरीर रचना, वयात येताना होणारे शारीरिक बदल आणि मानसिक बदल, मूल कसे होतेॽ मुलगा केव्हा होतो आणि मुलगी केव्हा होतेॽ आहार, स्वच्छता, संभाव्य आजार, इत्यादी अनेक बाबींवर चर्चा केली जाते. मराठी विज्ञान परिषदेने आता या कार्यक्रमाच्या व्ही.सी.डी. आणि डी.व्ही.डी तयार केल्या असून त्या मराठी, हिंदी आणि इंग्रजी भाषेतही उपलब्ध आहेत. या पैकी व्ही.सी.डी.चे शुल्क रू. 100 इतके असून डी.व्ही.डी.चे शुल्क रू. 150 इतके आहे. व्ही.सी.डी. किंवा डी.व्ही.डी टपालाने मागवायच्या असल्यास त्यासाठी रू. 30 इतका टपालखर्चही पाठवावा.

(वयात येताना – मुलींसाठी)

महाचंद्र अर्थात् सुपरमून - 2012

(स्रोतः नासा)

पॅथॉलॉजी, क्ष-किरण चिकित्सा, सोनोग्राफी आणि इ.सी.जी. यासाठी अद्ययावत सुविधा

(विज्ञान आणि तंत्रज्ञान विभागाकडून NABL मानांकित)

सी/1, पहिला मजला, आशा कुंज, नारायण गजानन आचार्य मार्ग, चेंबूर स्टेशनजवळ, मुंबई – 400071

(दूरध्वनी क्र.: 022-25212258 / 022-25213432)

(जाहिरात)

विभाग वृत्तांत

(1) पुणे विभागः

(2) गडहिंग्लज विभागः

(3) निप्पाणी विभागः

(परिषदेच्या विविध विभागांतर्फे आयोजित केले जात असलेले कार्यक्रम तसेच तेथील घडामोडींची माहिती देण्याची सोय संकेतस्थळावर केली आहे. या विषयीचा अधिक तपशील जाणून घेण्यासाठी विभागांच्या कार्यवाहांनी परिषदेच्या मध्यवर्ती कार्यालयात संपर्क साधावा.)

Site hosted by www.yourebusinessportal.com